Get Adobe Flash player
ແຈ້ງການ (Announcement)

Jpeg

Jpeg

ໂດຍການເປັນປະທານ ຂອງທ່ານ ສະຫວັນ ຈັນທະກຸມມານ ຫົວໜ້າພະແນກ ຫຼຸດຜ່ອນອາຍພິດ ເຮືອນແກ້ວຈາກການທໍາລາຍປ່າໄມ້.

ກອງປະຊຸມໃນຄັ້ງນີ້ແມ່ນກອງປະຊຸມແກ້ໄຂບັນຫາທີ່ເຮັດໃຫ້ມີການທໍາລາຍປ່າໄມ້ ແລະ ເຮັດໃຫ້ປ່າໄມ້ເສື່ອມໂຊມ, ຂໍ້ສະເໜີເພື່ອແກ້ໄຂບັນຫາ, ອັນດັບຄວາມສໍາຄັນໃນການແກ້ໄຂບັນຫາ ແລະ ພາກສ່ວນທີ່ຄວນຮັບຜິດຊອບ ພ້ອມນໍາສະເໜີຫຍໍ້ ກ່ຽວກັບ ວຽກງານ REDD+ ຢູ່ໃນ ສປປ ລາວ, ຜົນວຽກການປະເມີນ ທາງສັງຄົມ ແລະ ສິ່ງ ແວດລ້ອມທີກ່ຽວຂ້ອງ ກັບ ການທໍາລາຍປ່າໄມ້ ແລະ ການເຮັດໃຫ້ປ່າໄມ້ ເສື່ອມໂຊມ ເຊັ່ນ: ສາເຫດ ທີ່ເຮັດໃຫ້ ມີການທໍາລາຍປ່າໄມ້ ແລະ ເຮັດໃຫ້ ປ່າໄມ້ ເສື່ອມໂຊມ, ສາເຫດຫລັກ, ທີ່ມາຂອງສາເຫດ, ຜູ້ກ່ຽວຂ້ອງ, ຜົນກະທົບ ແລະ ແນວໂນ້ມ, ວິທີແກ້ໄຂບັນຫາ, ຂໍ້ສະດວກ ແລະ ຂໍ້ຫຍຸ້ງ ຍາກ ສໍາລັບການແກ້ໄຂບັນຫາ.

ເວົ້າລວມແລ້ວ ສາເຫດນະໂຍບາຍໃນການພັດທະນາເສດຖະກິດສັງຄົມ, ພື້ນຖານໂຄງລາງ, ຄວາມຕ້ອງການນໍາໃຊ້ໄມ້ຂອງປະຊາຊົນ, ນັກທຸລະກິດ ທັງພາຍໃນ ແລະ ຕ່າງປະເທດ ການປະຕິບັດລະບຽບ ກົດໝາຍແມ່ນຍັງບໍ່ທົ່ວເຖິງ, ການບຸກລຸກພື້ນທີ່ປ່າໄມ້ ຂອງປະຊາຊົນໃນການເຮັດການຜະລິດແບບຊະຊາຍ, ພື້ນທີ່ທຳການຜະລິດບໍ່ພຽງພໍ, ຂາດການຈັດສັນພື້ນທີ່, ການສົງເສີມອາຊີບໃຫ້ແກ່ປະຊາຊົນ ແລະ ຍັງບໍ່ທັນມີຄວາມເຂົ້າໃຈເຖິງຜົນກະທົບທີ່ເກີດຂື້ນຈາກການທຳລາຍປ່າໄມ້ ຖາງປ່າເຮັດໄຮ່, ການປູກຈິດສຳນຶກຍັງບໍ່ທັນທົ່ວເຖິງ ແລະ ຕໍ່ເນື່ອງ, ການປະຕິບັດລະບຽບກົດໝາຍແມ່ນຍັງບໍ່ທັນເຂັ້ມງວດຕໍ່ຜູ້ລະເມີດ ແລະ ການເຂົ້າເຖິງຂໍ້ມູນຂ່າວສານຍັງໜ້ອຍ.

ຮຽບຮຽງໂດຍ: ສຸວັນນາ ຈັນທະລືສີ
ດັດແກ້ໂດຍ:

RSS
Follow by Email
Facebook
Twitter