Get Adobe Flash player
ແຈ້ງການ (Announcement)


           ເພື່ອຈັດຕັ້ງຜັນຂະຫຍາຍ ມະຕິກອງປະຊຸມໃຫ່ຍຄັ້ງທີ I ຂອງຄະນະພັກຮາກຖານກົມປ່າໄມ້ ແລະ ມະຕິກອງ ປະຊຸມໃຫ່ຍຄັ້ງທີ I ຂອງບັນດາ ໜ່ວຍພັກ ທີ່ຂື້ນກັບຄະນະພັກຮາກຖານ ຂອງກົມປ່າໄມ້. ກົມປ່າໄມ້ ຈຶ່ງໄດ້ຈັດກອງ ປະຊຸມຂື້ນໃນຕອນແລງຂອງວັນທີ 2 ພະຈິກ 2017, ຢູ່ທີ່ ຫ້ອງປະຊຸມໃຫ່ຍ ກົມປ່າໄມ້ ໂດຍການເປັນປະທານຂອງ ທ່ານ ຊູຊາດ ໄຊຍະກຸມມານ ເລຂາຄະນະພັກຮາກຖານກົມປ່າໄມ້, ຜູ້ເຂົ້າຮ່ວມມີ ຄະນະພັກຮາກຖານ, ເລຂາ, ຮອງເລຂາ, ຄະນະໜ່ວຍພັກ, ຮາກຖານ 3 ອົງການຈັດຕັ້ງມະຫາຊົນ ແລະ ສະມາຊິກພັກທຸກສະຫາຍ ເຂົ້າຮ່ວມທັງໝົດລວມມີ 30 ກ່ວາສະຫາຍ.


ກອງປະຊຸມຄັ້ງນີ້ລວມມີ 3 ຈຸດປະສົງ:
1. ມອບໃບຢັ້ງຢືນ ການຮັບຮອງໜ່ວຍພັກແຂງ-ຮູ້ນຳພາຮອບດ້ານ ປະຈຳປີ 2016
2. ມອບບັດໃຫ້ສະມາຊິກພັກສົມບູນ
3. ຄົ້ນຄ້ວາພິຈາລະນາມາຫາຊົນຜູ້ທີ່ມີຄວາມກ້າວໜ້າ,ມີຜົນງານດີເດັ່ນໃນການຈັດຕັ້ງ ປະຕິບັດໜ້າທີ່ວຽກງານ ວິຊາສະເພາະ ກໍຄືວຽກງານສ້າງຂະບວນການຕ່າງໆ ຂອງອົງການຈັດ ຕັ້ງມະຫາຊົນ ເພື່ອເຂົ້າຮຽນສະໜັບສະໜູນ ພັກ, ຮຽນກົດລະບຽບພັກ ແລະ ຄົ້ນຄ້ວາເລື່ອນເປັນສະມາຊິກພັກສຳຮອງ.

ໃນພິທີ ທ່ານຊູຊາດ ໄຊຍະກຸມມານ ເລຂາຄະນະພັກ ຮາກຖານ ກົມປ່າໄມ້, ຫົວໜ້າກົມປ່າໄມ້, ປະທານກອງປະຊຸມ ໄດ້ເປັນກຽດ ມອບ ໃບຢັ້ງຢືນໜ່ວຍພັກແຂງ-ຮູ້ນຳພາຮອບດ້ານ ໃຫ້ແກ່ 3 ໜ່ວຍພັກເຊັ່ນ: ໜ່ວຍພັກ ພະແນກ ບໍລິຫານ ແລະ ຈັດຕັ້ງ ແລະ ໜ່ວຍພັກ ກອງສຳຫຼວດ ແລະ ວາງແຜນປ່າໄມ້, ສ່ວນໜ່ວຍພັກ ປ່າຜະລິດ ໄດ້ຮັບໃບ ຢັ້ງຢືນເປັນໜ່ວຍພັກແຂງ, ແລະ ໃນອັນດັບຕໍ່ໄປ ແມ່ນພິທີມອບ ບັດສະມາຊິກ ໃຫ້ພັກທັງໝົດ 17 ສະຫາຍ, ຍິງ 6 ສະຫາຍ ແລະ ໃນສຸດທ້າຍ ແຕ່ລະໜ່ວຍພັກໄດ້ຂື້ນສະເໜີຜ່ານມະຫາຊົນກ້າວໜ້າ ມີດັ່ງນີ້:

1. ສະເໜີເລື່ອນເປັນສະມາຊິກພັກສຳຮອງ ຈຳນວນ 6 ສະຫາຍ ເປັນຍິງ 2 ສະຫາຍ.
2. ສະເໜີຮຽນກົດລະບຽບ ຈຳນວນ 10 ສະຫາຍ, ເປັນຍິງ 3 ສະຫາຍ
3. ສະເໜີຮຽນສະໜັບສະໜູນ ຈຳນວນ 12 ສະຫາຍ.
ຜ່ານການຄົ້ນຄ້ວາ ປະກອບຄຳຄິດ ຄຳເຫັນ ໃນກອງປະຊຸມ ແມ່ນເຫັນດີເປັນເອກະພາບ ໃຫ້ບັນດາມະຫາຊົນກ້າວໜ້າທັງ ໝົດໄດ້ເລື່ອນຕາມການສະເໜີ.

ທ້າຍສຸດທ່ານປະທານກອງປະຊຸມ ຍັງໄດ້ໃຫ້ທິດຊີ້ນຳ ແລະ ປະກອບຄຳຄິດຄຳເຫັນ ຕໍ່ກອງປະຊຸມຫຼາຍໆບັນຫາເຊັ່ນ: ຕ້ອງໄດ້ເອົາໃຈໃສ່ ໃນການປະຕິບັດຕິດຕາມຂໍ້ແຂ່ງຂັນ ທີ່ໄດ້ວາງໄວ້ໃນໄລຍະຜ່ານມາ ໃຫ້ສຳເລັດ ແລະ ເກີດດອກ ອອກຜົນ; ໃນການຂະຫຍາຍສະມາຊິກພັກ ສຳລັບຜູ້ຕິດຕາມຕ້ອງແມ່ນຜູ້ເກົ່າ ຍົກເວັ້ນແຕ່ຜູ້ທີ່ໄດ້ຮັບບຳນານ ຕ້ອງໄດ້ສະເໜີຜູ້ອື່ນປ່ຽນແທນ. ສ່ວນບັດສະມາຊິກພັກ ແຕ່ລະສະຫາຍ ທີ່ໄດ້ຮັບຕ້ອງໃຫ້ເກັບຮັກສາ ແລະ ນຳໄປ ໜູນໃຊ້ໃຫ້ຖືກຕ້ອງ. ນອກນີ້ຕໍ່ກັບບັນດາມະຫາຊົນກ້າວໜ້າຕ້ອງໄດ້ຊ່ວຍກັນສຶບຕໍ່ ກໍ່ສ້າງຕິດຕາມ ເພຶ່ອໃຫ້ມີ ຄວາມເຂັ້ມແຂງ ໜັກແໜ້ນຂື້ນຕື່ມກ່ວາເກົ່າ.

 

ຜູ້ກວດແກ້: ທ່ານ ນ. ທອງສຸກ ໄຊຍະພານທອງ
ຂຽນຂ່າວໂດຍ: ນ. ອຳພາພອນ ພົງພັນ

RSS
Follow by Email
Facebook
Twitter