Get Adobe Flash player
ແຈ້ງການ (Announcement)

ຂ່າວສານ

           ໃນລະຫວ່າງວັນທີ  22-24 ພຶດສະພາ 2018 ກະຊວງກະສິກຳ ແລະ ປ່າໄມ້, ກົມປ່າໄມ້ ແລະ ກົມກວດກາປ່າໄມ້ໄດ້ເປັນເຈົ້າພາບຈັດກອງປະຊຸມ ໜ່ວຍງານການຄຸ້ມຄອງປ່າໄມ້ ຄັ້ງທີ 14 ໂດຍການເປັນປະທານພິທີກ່າວຕ້ອນຮັບໂດຍທ່ານ ປະດິດ ວັນນະລັດສະໝີ ຫົວໜ້າພະແນກ ກະສິກຳ ແລະ ປ່າໄມ້ ແຂວງຈຳປາສັກ ແລະ ທ່ານ ຈັນທະເນດ ສີມະຫາໂນ ຮອງຫົວໜ້າຫ້ອງການ ກົມແຜນການ ແລະ ການເງີນບັນດາຜູ້ເຂົ້າຮ່ວມຈາກ 8 ປະເທດ ອາຊຽນ (ບູຣໄນ ແລະ ສິງກະໂປ ບໍ່ໄດ້ເຂົ້າຮ່ວມ) ນອກນັ້ນຍັງມີຜູ້ສັງເກດການຈາກ ສປປ ຈີນ,ອົງການປ່າໄມ້ອາຊີ (AFOCO) ສະຫະພາບເອີລົບ (EU) ອົງການຮ່ວມ ມືຂອງປະເທດເຢຍລະມັນ GI2 ແລະ ມີຄະນະຜູ້ແທນຝ່າຍລາວ ລວມທັງໝົດ 30 ກ່ວາທ່ານ ເຂົ້າຮ່ວມກອງປະຊຸມ ຄັ້ງນີ້ ແມ່ນຈັດຢູ່ໂຮງແຮມ ເອລາວັນ ນະຄອນຈຳປາສັກ

         ຈຸດປະສົງ ຂອງການຈັດກອງປະຊຸມ ກອງປະຊຸມຄັ້ງນີ້ປະກອບດ້ວຍສອງກອງປະຊຸມຕິດຕໍ່ກັນຄື(1) ໃນວັນທີ 22 ພຶດສະພາ 2018 ແມ່ນກອງປະຊຸມສຳມະນາ ເພື່ອປຶກສາຫາລື ປະກອບຄຳເຫັນໃສ່ຮ່າງປຶ້ມຄູ່ມື ການບັງຄັບໃຊ້ ກົດໝາຍການຄຸ້ມຄອງປ່າໄມ້ ອາຊຽນ (FLEG) ເພື່ອສ້າງໃຫ້ເປັນສະບັບສົມບູນ ແລະ (2) ໃນວັນທີ 23-24 ພຶດສະພາ 2018 ແມ່ນກອງປະຊຸມໜ່ວຍງານການຄຸ້ມຄອງປ່າໄມ້ອາຊຽນ ເພື່ອພ້ອມກັນ ປຶກສາຫາລື ເປັນເອກະພາບ ຕໍ່ກັບ ແຜນປະຕິບັດງານ (Plan of Action) ການຮ່ວມມືການຄຸ້ມຄອງປ່າໄມ້ ແບບຍືນຍົງ ແລະ ແຕ່ລະປະເທດ ກໍ່ໄດ້ລາຍງານສະພາບການຈັດຕັ້ງປະຕິບັດ ວຽກງານຄຸ້ມຄອງປ່າໄມ້ ຂອງຕົນໃຫ້ແກ່ກອງ ປະຊຸມຮັບຊາບ. ສຳຫຼັບ ສປປ ລາວ ແມ່ນໄດ້ລາຍງານຜົນຂອງການ ຈັດດຕັ້ງປະຕິບັດ ຄຳສັ່ງເລກທີ 15 ວ່າດ້ວຍການ ເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້;  ສະພາບການປັບປຸງບັນດານິຕິກຳ ແລະ ລະບຽບການຕ່າງໆ ທີ່ກ່ຽວຂ້ອງກັບການປົກປັກຮັກສາ ແລະ ຄຸ້ມຄອງປ່າໄມ້ ໃນ ສປປ ລາວ.

   ຜົນຂອງກອງປະຊຸມຄັ້ງນີ້ ແມ່ນຈະໄດ້ນຳໄປລາຍງານ ຕໍ່ກອງປະຊຸມເຈົ້າໜ້າທີ່ອາວຸໂສປ່າໄມ້ອາຊຽນ (ASOF) ຄັ້ງວັນທີ 21 ທີ່ຈະຈັດຂື້ນ ໃນຕົ້ນເດືອນກໍລະກົດ 2018 ທີ່ ນາປີດໍ ປະເທດມຽນມ້າ ເພື່ອເຮັດໃຫ້ກອງປະຊຸມ ດັ່ງກ່າວ ພິຈາລະນາຜ່ານ, ຫຼັງຈາກນັ້ນປະທານ ກອງປະຊຸມເຈົ້າໜ້າທີ່ ອາວຸໂສປ່າໄມ້ອາຊຽນ ຄັ້ງວັນທີ 21 ຈະນຳໄປລາຍງານ ຕໍ່ກອງປະຊຸມລັດຖະມົນຕີ ກະຊວງກະສິກຳ ແລະ ປ່າໄມ້ອາຊຽນ ຄັ້ງທີ 40 ທີ່ຈະຈັດຂື້ນໃນຕົ້ນ ເດືອນຕຸລາ 2018 ທີ່ນະຄອນຫຼວງຮ່າໂນ້ຍ ສສ. ຫວຽດນາມ ເພື່ອພິຈາລະນາຮັບຮອງເອົາ ແລ້ວຈັດຕັ້ງປະຕິບັດ

 

ຂຽນຂ່າວ: ນ. ອຳພາພອນ ພົງພັນ

ກວດແກ້: ທ່ານ ນ. ທອງສຸກ ໄຊຍະພານທອງ


ລະຫວ່າງວັນທີ 29-31 ມີນາ 2018 ກະຊວງກະສິກຳ ແລະ ປ່າໄມ້ ໄດ້ສົມທົບກັບ ກະຊວງອຸດສະຫະກຳ ແລະ ການຄ້າ, ກະຊວງຖະແຫຼງຂ່າງ ວັດທະນາທຳ ແລະ ທ່ອງທ່ຽວ, ກະຊວງການຕ່າງປະເທດ, ສະພາການຄ້າ ແລະ ອຸດສະຫະກຳແຫ່ງຊາດລາວ, ມູນນິທິວັນໄມ້ໂລກ ແລະ ສະມາຄົມວັດທະນາທຳໄມ້ສາກົນ ຮ່ວມກັນເປັນເຈົ້າພາບຈັດງານສະເຫຼີມສະຫຼອງວັນໄມ້ໂລກປະຈຳປີ 2018 ທີ່ສູນການຄ້າລາວ-ໄອເຕັກ ໂດຍການສະໜັບສະໜູນ ດ້ານງົບປະມານມາຈາກອົງການມູນນິທິວັນໄມ້ໂລກ
ຈຸດປະສົງຂອງການສະເຫຼີມສະຫຼອງວັນໄມ້ໂລກ ມີ 2 ປະການຄື: 1. ເພື່ອຈາລຶກ ແລະ ຍົກໃຫ້ເຫັນເຖິງຄວາມໝາຍຄວາມສຳຄັນຂອງໄມ້ ໃນຖານະທີ່ເປັນຊີວະວັດຖຸຊະນິດໜຶ່ງ ທີ່ສາມາດທົດແທນຄືນ ຫຼື ຟື້ນຟູຄືນໄດ້ໂດຍທຳມະຊາດ ແລະ ມີບົດບາດຄວາມສຳຄັນມະຫາສານຕໍ່ມວນມະນຸດ ກໍຄືຄວາມຍືນຍົງຄົງຕົວຂອງສິ່ງແວດລ້ອມ; 2. ເພື່ອປູກຈິດສຳນຶກໃຫ້ຄົນເຮົາເຫັນໄດ້ບົດບາດຄວາມສຳຄັນ ແລະ ຄຸນຄ່າທີ່ແທ້ຈິງຂອງໄມ້ ທີ່ຕິດພັນກັບການຄຸ້ມຄອງປົກປັກຮັກສາ ໃນການອະນຸລັກຊີວະນາໆພັນ ແລະ ປ່າໄມ້ໃຫ້ຄວາມຍືນຍົງ.
Continue reading


ປະຕິບັດຕາມແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ, ສະບັບເລກທີ 1935/ຫສນຍ.ກຄສ, ລົງວັນທີ 5/12/2017 ວ່າດ້ວຍ ການອະນຸມັດໃຫ້ທ່ານລັດຖະມົນຕີ ກະຊວງກະສິກໍາ ແລະ ປ່າໄມ້ລົງນາມໃນສັນຍາສ້າງ ຕັ້ງອົງການຮ່ວມມືປ່າໄມ້ອາຊີ (Asian Forest Cooperation Organization ຫຼື AFOCO), ບົນພື້ນຖານການມອບສິດໃຫ້ຕາງໜ້າລັດຖະບານ, ທ່ານ ປອ. ລຽນ ທິແກ້ວ, ລັດຖະມົນຕີກະຊວງກະສິກໍາ ແລະ ປ່າໄມ້, ພ້ອມດ້ວຍຄະນະຜູ້ຕິດຕາມຈໍານວນຫນຶ່ງ ໄດ້ເດີນທາງໄປລົງນາມໃນສົນທິສັນຍາດັ່ງກ່າວ ທີ່ ນະຄອນຫລວງເຊອູນ, ສ. ເກົາຫຼີ. ພິທີການເຊັນສົນທີ່ສັນຍາດັ່ງກ່າວ ໄດ້ຈັດຂຶ້ນໃນຕອນເຊົ້າຂອງວັນທີ 13 ມີນາ 2018 ທີ່ ກະຊວງການ ຕ່າງປະເທດ ສ. ເກົາຫຼີ, ໂດຍມີຜູ້ເຂົ້າຮ່ວມຈາກຝ່າຍລາວປະກອບດ້ວຍ ທ່ານເອກອັກຄະອັກຄະລັດຖະທູດ ແຫ່ງ ສປປ ລາວ ປະຈໍາ ສ.ເກົາຫລີ, ຫົວໜ້າກົມແຜນການແລະການເງິນ ແລະ ຫົວໜ້າກົມປ່າໄມ້, ກະຊວງກະສິກຳແລະປ່າໄມ້, ພ້ອມດ້ວຍ ພະນັກງານວິຊາການ ທີ່ກ່ຽວຂ້ອງຈໍານວນນຶ່ງ, ສ່ວນຝ່າຍເກົາຫຼີປະກອບດ້ວຍຜູ້ຕ່າງໜ້າຈາກ ກະຊວງການຕ່າງປະເທດ, ຈາກກອງເລຂາອົງການຮ່ວມມືປ່າໄມ້ອາຊີ ແລະ ຈາກກົມໃຫຍ່ປ່າໄມ້ຂອງ ສ. ເກົາຫຼີ. ອົງການ AFOCO ເປັນອົງການຮ່ວມມືດ້ານປ່າໄມ້ໃນລະດັບພາກພື້ນອາຊີ ທີ່ໄດ້ຖືກສ້າງຕັ້ງຂຶ້ນໂດຍ ມີເປົ້າໝາຍ ແນໃສ່ການຜັນຂະຫຍາຍແນວທາງນະໂຍບາຍປ່າໄມ້ ຂອງລັດຖະບານໃຫ້ປະກົດຜົນເປັນຈິງ, ໂດຍສະເພາະເພື່ອຟື້ນຟູທີ່ດິນປ່າໄມ້ ເຊື່ອມໂຊມ, ປົກປັກຮັກສາປ່າໄມ້ບໍ່ໃຫ້ບົກແຫ້ງ, ເຊື່ອມຄຸນນະພາບ, ເປັນໄປຕາມນະໂຍບາຍການຄຸ້ມຄອງ ແລະ ປົກປັກສາປ່າໄມ້ແບບ ຍືນຍົງ, ອັນເປັນການປະກອບສ່ວນແກ້ໄຂບັນຫາກ່ຽວກັບ ການປ່ຽນແປງສະພາບດິນຟ້າອາກາດອີກດ້ວຍ. ໃນການເຂົ້າຮ່ວມເປັນພາຄີ ໃນອົງການນີ້, ລັດຖະບານລາວໂດຍສະເພາະຂະແໜງການກະສິກໍາ ແລະ ປ່າໄມ້ ມີເປົ້າໝາຍຈະປະກອບສ່ວນໃນການບັນລຸເປົ້າໝາຍ ລວມທີ່ກ່ຽວຂ້ອງກັບວຽກງານ ປ່າໄມ້ໃນລະດັບພາກພື້ນ, ໃນລະດັບສາກົນກໍຄືໃນລະດັບຊາດ, ໂດຍສະເພາະການບັນລຸຄາດ ໝາຍຍຸດທະສາດ ປ່າໄມ້ 2020 ຂອງລັດຖະບານຕິດພັນກັບເປົ້າໝາຍການພັດທະນາແບບຍືນຍົງ ໄປຕາມແນວທາງການເຕີບໂຕສີຂຽວ. ເພື່ອເຮັດໃຫ້ສົນ ທິສັນຍາດັ່ງກ່າວມີຜົນນໍາໃຊ້ເປັນທາງການ, ຂະແໜງການກະສິກາ ແລະ ປ່າໄມ້ຍັງຕ້ອງໄດ້ສະເໜີໃຫ້ລັດຖະບານພິຈາລະນາອອກສັດຕະຍາບັນ ເພື່ອຮັບຮອງເອົາສົນທິສັນຍາດັ່ງກ່າວຢ່າງເປັນທາງການໃນໄວໆນີ້. ນອກຈາກການລົງນາມໃນສົນທິສັນຍາດັ່ງກ່າວນີ້ແລ້ວ, ທ່ານລັດຖະມົນຕີກະຊວງກະສິກໍາ ແລະ ປ່າໄມ້ ຍັງໄດ້ເຂົ້າຮ່ວມເປັນສັກຂີ ພິຍານໃນການລົງນາມບັດບັນທຶກຄວາມເຂົ້າໃນເພື່ອສ້າງ ແລະ ຈັດຕັ້ງປະຕິບັດ ໂຄງການຄຸ້ມຄອງປ່າສະຫງວນ ແຫ່ງຊາດດົງຫົວສາວເພື່ອປະກອບສ່ວນຫຼຸດຜ່ອນການປ່ອຍອາຍພິດເຮືອນແກ້ວຈາກ ການທໍາລາຍປ່າໄມ້ (REDD+) ລະຫວ່າງ ກະຊວງກະສິກໍາ ແລະ ປ່າໄມ້ ສປປ ລາວ ແລະ ກົມໃຫຍ່ປ່າໄມ້ ສ.ເກົາຫຼີ ທີ່ມີມູນຄ່າໂຄງການປະມານ 700.000 ໂດລາສະຫະລັດ, ພ້ອມທັງໄດ້ຖືໂອກາດນີ້ ໄປຢ້ຽມຢາມສູນຈຳຫນ່າຍຜະລິດຕະພັນ ການກະເສດຂອງສະຫະກອນເມືອງອານຊັອງ (NongHyup An-Seong Agri-food Distribution Center), ທີ່ເມືອງອານຊັອງ (Anseong) , ແຂວງກັອງກີ (Gyeonggi). ສູນດັ່ງກ່າວ ນິີ້ນັບວ່າມີບົດຮຽນ ແລະ ປະສົບການສູງໃນດ້ານການແຈກຈ່າຍຜະລິດຕະພັນກະສິກໍາ ຈາກກຸ່ມຜູ້ຜະລິດໄປສູ່ຜູ້ບໍລິໂພກ ດ້ວຍຮູບການຂາຍຍົກ ທີ່ມີປະສິດທິພາບ ແລະ ປະສິດທິຜົນສູງ.

ໃນວັນທີ 5 ມີນາ 2018 ກະຊວງ ກະສິກໍາ ແລະ ປ່າໄມ້, ໄດ້ເປີດກອງປະຊຸມສໍາມະນາລະດັບຊາດ ກ່ຽວກັບການສົ່ງເສີມປູກໄມ້ ແລະ ຟື້ນຟູປ່າເພື່ອປະກອບສ່ວນຄວາມປົກຫຸ້ມໃຫ້ໄດ້ 70% ໃນປີ 2020, ທີ່ຫໍປະຊຸມແຫ່ງຊາດ ພາຍໃຕ້ການເປັນປະທານຂອງທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ ພ້ອມນີ້ມີທ່ານ ປອ ລຽນ ທີແກ້ວ ລັດຖະມົນຕີກະຊວງ ກປ, ທ່ານ ຮອງລັດຖະມົນຕີ ກະຊວງ ກປ, ທ່ານ ຮອງເຈົ້າແຂວງ, ພະແນກ ກປ ແຂວງ, ນະຄອນຫຼວງ, ຫົວໜ້າ-ຮອງຫົວໜ້າ ຫ້ອງການ, ກົມ, ສະຖາບັນອ້ອມຂ້າງກະຊວງ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

Continue reading

 

 

ໂຄງການປ້ອງກັນດິນຟ້າອາກາດ ໂດຍການຫຼີ້ກລ້ຽງການທຳລາຍປ່າໄມ້(CliPAD), ພະແນກຫຼຸດຜ່ອນອາຍພິດເຮືອນແກ້ວ ຈາກການທໍາລາຍປ່າໄມ້, ກົມປ່າໄມ້ ພ້ອມດ້ວຍພະແນກ ກະສິກຳ ແລະ ປ່າໄມ້ແຂວງ ຫົວພັນ ໄດ້ມີການເຊັນບົດບັນທຶກ ມອບ-ຮັບ ອາຄານກໍ່ສ້າງ ແລະ ສ້ອມແປງ ບັນດາຫ້ອງການ, ຫໍພັກພະນັກງານ, ຈຸດກວດກາຊັບພະຍາກອນປ່າໄມ້ ແລະ ຫ້ອງການກຸ່ມບ້ານ ລວມທັງໝົດ 17 ແຫ່ງ ຢູ່ໃນ 5 ເມືອງ ເປົ້າໝາຍຂອງໂຄງການ ໂດຍແມ່ນ ທ່ານ ບຸນໂຮມ ສີລິໂພຄ່າ ຫົວໜ້າບໍລິສັດ ຄຳປະສົງ ກໍ່ສ້າງຈຳກັດ ເປັນຜູ້ກ່າວມອບ ແລະ ທ່ານ ຄິນ ທຸມມະລາ ຮອງຫົວໜ້າພະແນກ ກະສິກໍາ ແລະ ປ່າໄມ້ແຂວງຫົວພັນ ເປັນຜູ່ກ່າວຮັບ, ພິທີໄດ້ຈັດຂື້ນ ໃນວັນທີ 13 ທັນວາ 2017, ໃນການມອບຮັບອາຄານໃນຄັ້ງນີ້ແມ່ນເພື່ອຈຸດປະສົງໃຫ້ ພະນັກງານວິຊາການ ແລະ ພະນັກງານກຸ່ມບ້ານໄດ້ນຳໃຊ້ເຂົ້າໃນວຽກງານຕ່າງໆ ຂອງໂຄງການປ້ອງກັນດິນຟ້າອາກາດ ໂດຍການຫຼີ້ກລ້ຽງການທຳລາຍປ່າໄມ້(CliPAD) ໃນ 5 ເມືອງຄື: ເມືອງ ຊໍາເໜືອ ຈໍານວນ 07 ແຫ່ງ (ກໍ່ສ້າງຫ້ອງການກຸ່ມບ້ານ 03 ແຫ່ງ; ກໍ່ສ້າງຫ້ອງການ ກອງກວດກາ ປ່າໄມ້ ແລະ ຂະແໜງປ່າໄມ້ ເປັນອາຄານ 02 ຊັ້ນ 1 ແຫ່ງ; ຕໍ່ເຕີມ ແລະ ປັບປຸງຫ້ອງການກະສິກໍາ ແລະ ປ່າໄມ້ເມືອງ 1 ແຫ່ງ; ຫ້ອງການ ຂະແໜງ ຄຸ້ມຄອງຊັບພະຍາກອນປ່າໄມ້ 1 ແຫ່ງ ແລະ ຈຸດກວດກາຊັບພະຍາກອນປ່າໄມ້ 1 ແຫ່ງ), ເມືອງ ຫົວເມືອງ ຈໍານວນ 05 ແຫ່ງ ກໍ່ສ້າງຫ້ອງການກຸ່ມບ້ານ 03 ແຫ່ງ, ຫ້ອງການຊັບພະຍາກອນປ່າໄມ້ 01 ແຫ່ງ ແລະ ຫ້ອງການກະສິກໍາ ແລະ ປ່າໄມ້ 01 ແຫ່ງ, ເມືອງ ຮ້ຽມ ຈໍານວນ 02 ແຫ່ງ ກໍ່ສ້າງຫໍພັກພະນັກງານໃໝ່ ແລະ ຕໍ່ເຕີມຫ້ອງການ, ເມືອງ ຊ້ອນ ຈໍານວນ 02 ແຫ່ງ ຈຸດກວດກາຊັບພະຍາກອນປ່າໄມ້ 02 ແຫ່ງ ແລະ ເມືອງ ວຽງໄຊ ຈໍານວນ 01 ແຫ່ງ ຈຸດກວດກາຊັບພະຍາກອນປ່າໄມ້ 01 ແຫ່ງ.

ກວດແກ້ໂດຍ:……….

ຂຽນໂດຍ: ສຸວັນນາ ຈັນທະລືສີ

ໃນຕອນບ່າຍວັນທີ 28 ທັນວາ 2018 ທີ່ຫ້ອງປະຊຸມກົມປ່າໄມ້ ໜ່ວຍພັກຮາກຖານກົມປ່າໄມ້ ໄດ້ຈັດພິທີຮັບມະຫາຊົນກ້າວໜ້າ ເຂົ້າເປັນ ສະມາຊິກພັກສຳຮອງ ໂດຍການເປັນປະທານ ຂອງທ່ານ ຊູຊາດ ໄຊຍະກຸມມານ ເລຂາຄະນະພັກຮາກຖານກົມປ່າໄມ້ ແລະ ເຂົ້າຮ່ວມຂອງ ຄະນະພັ ກຮາກຖານ, ຫົວໜ້າ, ຮອງໜ່ວຍ, ຈຸ ພ້ອມດ້ວຍສະມາຊິກພັກເຂົ້າຮ່ວມຢ່າງພ້ອມພຽງ.
ໃນພິທີຮັບມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ຄັ້ງມີຈຳນວນທັງໝົດ 6 ສ/ຫ, ຍິງ 2 ສ/ຫ ຈາກໜ່ວຍພັກພະແນກ ບໍລິຫານ ແລະ ຈັດຕັ້ງ. ບັ້ນທ້າຍທ່ານປະທານຍັງໄດ້ໃຫ້ຄຳແນະນຳ ຊີ້ທິດເຍືອງທາງຕໍ່ກັບສະມາຊິກພັກສຳຮອງ ແລະ ສົມບູນ ເພື່ອພ້ອມກັນ ຈັດຕັ້ງປະຕິບັດໃຫ້ຖຶກຕ້ອງຕາມ 3 ທິດຊີ້ນຳ 5 ຫຼັກການ ແລະ 9 ຂໍ້ຫ້າມ ຕາມລະບຽບຂອງພັກປະຊາຊົນປະຕິວັດລາວ ແລະ ການຈັດຕັ້ງ ປະຕິບັດໜ້າວຽກສະມາຊິກພັກສຳຮອງ ກໍຕ້ອງເຮັດໃຫ້ເຫັນຜົນງານອັນພົ້ນເດັ່ນ ເພື່ອໃຫ້ຕົນເອງໄດ້ບຸກໜ້າບືນຕົວ ກາຍເປັນສະມາຊິກພັກ ສົມບູນໃນຂັ້ນຕໍ່ໄປ

ຜູ້ກວດແກ້: ທ່ານ ນ. ທອງສຸກ ໄຊຍະພານທອງ
ຂຽນຂ່າວໂດຍ: ນ. ອຳພາພອນ ພົງພັນ

                              


ໃນຕອນບ່າຍວັນທີ 6 ທັນວາ 2017 ທີ່ໂຮງແຮມ ເດິໂລດ ໄດ້ມີພິທີເຊັນບົດບັນທຶກຄວາມເຂົ້າໃຈ ໄລຍະທີ II ລະຫວ່າງ ກະຊວງກະສິກຳ ແລະ ປ່າໄມ້, ໂດຍແມ່ນ ກົມປ່າໄມ້ ກັບ ອົງການ GRET ປະຈຳ ສປປ ລາວ, ຮ່ວມລົງນາມເຊັນບົດບັນທຶກ ຄັ້ງນີ້ທາງກົມປ່າໄມ້ແມ່ນ ທ່ານ ຊູຊາດ ໄຊຍະກຸມມານ ຫົວໜ້າກົມປ່າໄມ້ ແລະ ຜູ້ຕາງໜ້າອົງການ GRET ປະຈຳ ສປປ ລາວ ແລະ ມີທ່ານ ຮອງເຈົ້າແຂວງຫົວພັນ, ຜູ້ຕາງໜ້າ ກະຊວງການຕ່າງປະເທດ, ກົມແຜນການກະຊວງກະສິກຳ, ພະແນກທີ່ກ່ຽວຂ້ອງຂອງແຂວງຫົວພັນ, ກົມປ່າໄມ້ ແລະ ພາກສ່ວນອື່ນໆມີ່ກ່ຽວຂ້ອງເຂົ້າຮ່ວມ.
ຊື່ຂອງໂຄງການແມ່ນການພັດທະນາແບບຍືນຍົງຮ່ວມກັນຂອງຕ່ອງໂສ້ມູນຄ່າ ໄມ້ປ່ອງ ແລະ ຫວາຍ ຢູ່ໃນ ສປປ ລາວ. ໄລຍະຈັດຕັ້ງ ປະຕິບັດໂຄງການນັບແຕ່ເດືອນ ພະຈິກ 2017 ຮອດ 31 ຕຸລາ 2020 ງົບປະມານ 1,428,000 ຢູໂຣ ສະໜັບສະໜູນໂດຍ ອົງການສະວິດ ເພື່ອການພັດທະນາ ແລະ ການຮ່ວມມື (SDC) ແລະ ອົງການພັດທະນາປະເທດຝຣັ່ງ(AFD).
ກິດຈະກຳຫຼັກຂອງໂຄງການ:
1. ພັດທະນາອົງການຈັດຕັ້ງຂອງຊາວກະສິກອນ (ກຸ່ມຜູ້ຜະລິດ) ໂດຍການອຳນວຍຄວາມສະດວກ ຈາກອົງການບໍລິການ ໄມ້ປ່ອງ ຂອງແຂວງຫົວພັນ ສົກປີ 2016-2020.
2. ພັດທະນາ 05 ຕ່ອງໂສ້ມູນຄ່າໄມ້ປ່ອງແບບຍືນຍົງ ຢູ່ໃນຈຳນວນຢ່າງໜ້ອຍ 80 ບ້ານຂື້ນໄປຂອງ 03 ເມືອງເປົ້າໝາຍຂອງ ແຂວງຫົວພັນ ຕາມແຜນຍຸດທະສາດພັດທະນາໄມ້ປ່ອງຂອງ ແຂວງຫົວພັນ ສົກປີ 2016-2020.
3. ສະໜັບສະໜູນເວທີປຶກສາຫາລືໄມ້ປ່ອງ ແລະ ຫວາຍ ໃນລະດັບຊາດ ເພື່ອສ້າງຄວາມເຂັ້ມແຂງ ໃຫ້ແກ່ຕ່ອງໂສ້ມູນຄ່າໄມ້ປ່ອງ ແລະ ຫວາຍ ຢູ່ໃນ ສປປ ລາວ.
4. ປະກອບສ່ວນເຂົ້າໃນການສ້າງບັນດານະໂຍບາຍ ໃນການພັດທະນາບັນດ່ຕ່ອງໂສ້ມູນຄ່າໄມ້ປ່ອງ ແລະ ຫວາຍ ໃນ ສປປ ລາວ.
ທີ່ຕັ້ງຂອງໂຄງການ: ແຂວງຫົວພັນ 3 ເມືອງເຊັ່ນ: ເມືອງວຽງໄຊ, ຊຳເໜືອ ແລະ ສົບເບົາ

ຜູ້ກວດແກ້: ທ່ານ ນ. ທອງສຸກ ໄຊຍະພານທອງ
ຂຽນຂ່າວໂດຍ: ນ. ອຳພາພອນ ພົງພັນ

ປະກາດຮັບສະໝັກຊ່ຽວຊານການເງຶນ ຜູ້ທີ່ສາມາດເຮັດວຽກແບບບໍ່ເຕັມເວລາ (Part-time) ຂອງໂຄງການຄຸ້ມຄອງປ່າໄມ້ແບບຍືນນານ (SUFORD-SU) ລາຍລະອຽດ ແລະ ເງື່ອນໄຂ ມີໃນເອກະສານຕຶດຄັດ (ຮູບ) . ສຳລັບຜູ້ສົນໃຈ ກຳນົດສົ່ງໃບສະໝັກ ແລະ ຊີວະປະຫວັດ ກ່ອນວັນທີ 15 ທັນວາ 2017 ທີ່ ພະແນກຄຸ້ມຄອງປ່າຜະລຶດ ແລະ ການຂຸດຄົ້ນໄມ້, ກົມປ່າໄມ້

 

RSS
Follow by Email
Facebook
Twitter