Get Adobe Flash player
ແຈ້ງການ (Announcement)

ຂ່າວສານ

 

 

ໂຄງການປ້ອງກັນດິນຟ້າອາກາດ ໂດຍການຫຼີ້ກລ້ຽງການທຳລາຍປ່າໄມ້(CliPAD), ພະແນກຫຼຸດຜ່ອນອາຍພິດເຮືອນແກ້ວ ຈາກການທໍາລາຍປ່າໄມ້, ກົມປ່າໄມ້ ພ້ອມດ້ວຍພະແນກ ກະສິກຳ ແລະ ປ່າໄມ້ແຂວງ ຫົວພັນ ໄດ້ມີການເຊັນບົດບັນທຶກ ມອບ-ຮັບ ອາຄານກໍ່ສ້າງ ແລະ ສ້ອມແປງ ບັນດາຫ້ອງການ, ຫໍພັກພະນັກງານ, ຈຸດກວດກາຊັບພະຍາກອນປ່າໄມ້ ແລະ ຫ້ອງການກຸ່ມບ້ານ ລວມທັງໝົດ 17 ແຫ່ງ ຢູ່ໃນ 5 ເມືອງ ເປົ້າໝາຍຂອງໂຄງການ ໂດຍແມ່ນ ທ່ານ ບຸນໂຮມ ສີລິໂພຄ່າ ຫົວໜ້າບໍລິສັດ ຄຳປະສົງ ກໍ່ສ້າງຈຳກັດ ເປັນຜູ້ກ່າວມອບ ແລະ ທ່ານ ຄິນ ທຸມມະລາ ຮອງຫົວໜ້າພະແນກ ກະສິກໍາ ແລະ ປ່າໄມ້ແຂວງຫົວພັນ ເປັນຜູ່ກ່າວຮັບ, ພິທີໄດ້ຈັດຂື້ນ ໃນວັນທີ 13 ທັນວາ 2017, ໃນການມອບຮັບອາຄານໃນຄັ້ງນີ້ແມ່ນເພື່ອຈຸດປະສົງໃຫ້ ພະນັກງານວິຊາການ ແລະ ພະນັກງານກຸ່ມບ້ານໄດ້ນຳໃຊ້ເຂົ້າໃນວຽກງານຕ່າງໆ ຂອງໂຄງການປ້ອງກັນດິນຟ້າອາກາດ ໂດຍການຫຼີ້ກລ້ຽງການທຳລາຍປ່າໄມ້(CliPAD) ໃນ 5 ເມືອງຄື: ເມືອງ ຊໍາເໜືອ ຈໍານວນ 07 ແຫ່ງ (ກໍ່ສ້າງຫ້ອງການກຸ່ມບ້ານ 03 ແຫ່ງ; ກໍ່ສ້າງຫ້ອງການ ກອງກວດກາ ປ່າໄມ້ ແລະ ຂະແໜງປ່າໄມ້ ເປັນອາຄານ 02 ຊັ້ນ 1 ແຫ່ງ; ຕໍ່ເຕີມ ແລະ ປັບປຸງຫ້ອງການກະສິກໍາ ແລະ ປ່າໄມ້ເມືອງ 1 ແຫ່ງ; ຫ້ອງການ ຂະແໜງ ຄຸ້ມຄອງຊັບພະຍາກອນປ່າໄມ້ 1 ແຫ່ງ ແລະ ຈຸດກວດກາຊັບພະຍາກອນປ່າໄມ້ 1 ແຫ່ງ), ເມືອງ ຫົວເມືອງ ຈໍານວນ 05 ແຫ່ງ ກໍ່ສ້າງຫ້ອງການກຸ່ມບ້ານ 03 ແຫ່ງ, ຫ້ອງການຊັບພະຍາກອນປ່າໄມ້ 01 ແຫ່ງ ແລະ ຫ້ອງການກະສິກໍາ ແລະ ປ່າໄມ້ 01 ແຫ່ງ, ເມືອງ ຮ້ຽມ ຈໍານວນ 02 ແຫ່ງ ກໍ່ສ້າງຫໍພັກພະນັກງານໃໝ່ ແລະ ຕໍ່ເຕີມຫ້ອງການ, ເມືອງ ຊ້ອນ ຈໍານວນ 02 ແຫ່ງ ຈຸດກວດກາຊັບພະຍາກອນປ່າໄມ້ 02 ແຫ່ງ ແລະ ເມືອງ ວຽງໄຊ ຈໍານວນ 01 ແຫ່ງ ຈຸດກວດກາຊັບພະຍາກອນປ່າໄມ້ 01 ແຫ່ງ.

ກວດແກ້ໂດຍ:……….

ຂຽນໂດຍ: ສຸວັນນາ ຈັນທະລືສີ

ໃນຕອນບ່າຍວັນທີ 28 ທັນວາ 2018 ທີ່ຫ້ອງປະຊຸມກົມປ່າໄມ້ ໜ່ວຍພັກຮາກຖານກົມປ່າໄມ້ ໄດ້ຈັດພິທີຮັບມະຫາຊົນກ້າວໜ້າ ເຂົ້າເປັນ ສະມາຊິກພັກສຳຮອງ ໂດຍການເປັນປະທານ ຂອງທ່ານ ຊູຊາດ ໄຊຍະກຸມມານ ເລຂາຄະນະພັກຮາກຖານກົມປ່າໄມ້ ແລະ ເຂົ້າຮ່ວມຂອງ ຄະນະພັ ກຮາກຖານ, ຫົວໜ້າ, ຮອງໜ່ວຍ, ຈຸ ພ້ອມດ້ວຍສະມາຊິກພັກເຂົ້າຮ່ວມຢ່າງພ້ອມພຽງ.
ໃນພິທີຮັບມະຫາຊົນກ້າວໜ້າ ເຂົ້າເປັນສະມາຊິກພັກສຳຮອງ ຄັ້ງມີຈຳນວນທັງໝົດ 6 ສ/ຫ, ຍິງ 2 ສ/ຫ ຈາກໜ່ວຍພັກພະແນກ ບໍລິຫານ ແລະ ຈັດຕັ້ງ. ບັ້ນທ້າຍທ່ານປະທານຍັງໄດ້ໃຫ້ຄຳແນະນຳ ຊີ້ທິດເຍືອງທາງຕໍ່ກັບສະມາຊິກພັກສຳຮອງ ແລະ ສົມບູນ ເພື່ອພ້ອມກັນ ຈັດຕັ້ງປະຕິບັດໃຫ້ຖຶກຕ້ອງຕາມ 3 ທິດຊີ້ນຳ 5 ຫຼັກການ ແລະ 9 ຂໍ້ຫ້າມ ຕາມລະບຽບຂອງພັກປະຊາຊົນປະຕິວັດລາວ ແລະ ການຈັດຕັ້ງ ປະຕິບັດໜ້າວຽກສະມາຊິກພັກສຳຮອງ ກໍຕ້ອງເຮັດໃຫ້ເຫັນຜົນງານອັນພົ້ນເດັ່ນ ເພື່ອໃຫ້ຕົນເອງໄດ້ບຸກໜ້າບືນຕົວ ກາຍເປັນສະມາຊິກພັກ ສົມບູນໃນຂັ້ນຕໍ່ໄປ

ຜູ້ກວດແກ້: ທ່ານ ນ. ທອງສຸກ ໄຊຍະພານທອງ
ຂຽນຂ່າວໂດຍ: ນ. ອຳພາພອນ ພົງພັນ

                              


ໃນຕອນບ່າຍວັນທີ 6 ທັນວາ 2017 ທີ່ໂຮງແຮມ ເດິໂລດ ໄດ້ມີພິທີເຊັນບົດບັນທຶກຄວາມເຂົ້າໃຈ ໄລຍະທີ II ລະຫວ່າງ ກະຊວງກະສິກຳ ແລະ ປ່າໄມ້, ໂດຍແມ່ນ ກົມປ່າໄມ້ ກັບ ອົງການ GRET ປະຈຳ ສປປ ລາວ, ຮ່ວມລົງນາມເຊັນບົດບັນທຶກ ຄັ້ງນີ້ທາງກົມປ່າໄມ້ແມ່ນ ທ່ານ ຊູຊາດ ໄຊຍະກຸມມານ ຫົວໜ້າກົມປ່າໄມ້ ແລະ ຜູ້ຕາງໜ້າອົງການ GRET ປະຈຳ ສປປ ລາວ ແລະ ມີທ່ານ ຮອງເຈົ້າແຂວງຫົວພັນ, ຜູ້ຕາງໜ້າ ກະຊວງການຕ່າງປະເທດ, ກົມແຜນການກະຊວງກະສິກຳ, ພະແນກທີ່ກ່ຽວຂ້ອງຂອງແຂວງຫົວພັນ, ກົມປ່າໄມ້ ແລະ ພາກສ່ວນອື່ນໆມີ່ກ່ຽວຂ້ອງເຂົ້າຮ່ວມ.
ຊື່ຂອງໂຄງການແມ່ນການພັດທະນາແບບຍືນຍົງຮ່ວມກັນຂອງຕ່ອງໂສ້ມູນຄ່າ ໄມ້ປ່ອງ ແລະ ຫວາຍ ຢູ່ໃນ ສປປ ລາວ. ໄລຍະຈັດຕັ້ງ ປະຕິບັດໂຄງການນັບແຕ່ເດືອນ ພະຈິກ 2017 ຮອດ 31 ຕຸລາ 2020 ງົບປະມານ 1,428,000 ຢູໂຣ ສະໜັບສະໜູນໂດຍ ອົງການສະວິດ ເພື່ອການພັດທະນາ ແລະ ການຮ່ວມມື (SDC) ແລະ ອົງການພັດທະນາປະເທດຝຣັ່ງ(AFD).
ກິດຈະກຳຫຼັກຂອງໂຄງການ:
1. ພັດທະນາອົງການຈັດຕັ້ງຂອງຊາວກະສິກອນ (ກຸ່ມຜູ້ຜະລິດ) ໂດຍການອຳນວຍຄວາມສະດວກ ຈາກອົງການບໍລິການ ໄມ້ປ່ອງ ຂອງແຂວງຫົວພັນ ສົກປີ 2016-2020.
2. ພັດທະນາ 05 ຕ່ອງໂສ້ມູນຄ່າໄມ້ປ່ອງແບບຍືນຍົງ ຢູ່ໃນຈຳນວນຢ່າງໜ້ອຍ 80 ບ້ານຂື້ນໄປຂອງ 03 ເມືອງເປົ້າໝາຍຂອງ ແຂວງຫົວພັນ ຕາມແຜນຍຸດທະສາດພັດທະນາໄມ້ປ່ອງຂອງ ແຂວງຫົວພັນ ສົກປີ 2016-2020.
3. ສະໜັບສະໜູນເວທີປຶກສາຫາລືໄມ້ປ່ອງ ແລະ ຫວາຍ ໃນລະດັບຊາດ ເພື່ອສ້າງຄວາມເຂັ້ມແຂງ ໃຫ້ແກ່ຕ່ອງໂສ້ມູນຄ່າໄມ້ປ່ອງ ແລະ ຫວາຍ ຢູ່ໃນ ສປປ ລາວ.
4. ປະກອບສ່ວນເຂົ້າໃນການສ້າງບັນດານະໂຍບາຍ ໃນການພັດທະນາບັນດ່ຕ່ອງໂສ້ມູນຄ່າໄມ້ປ່ອງ ແລະ ຫວາຍ ໃນ ສປປ ລາວ.
ທີ່ຕັ້ງຂອງໂຄງການ: ແຂວງຫົວພັນ 3 ເມືອງເຊັ່ນ: ເມືອງວຽງໄຊ, ຊຳເໜືອ ແລະ ສົບເບົາ

ຜູ້ກວດແກ້: ທ່ານ ນ. ທອງສຸກ ໄຊຍະພານທອງ
ຂຽນຂ່າວໂດຍ: ນ. ອຳພາພອນ ພົງພັນ

ປະກາດຮັບສະໝັກຊ່ຽວຊານການເງຶນ ຜູ້ທີ່ສາມາດເຮັດວຽກແບບບໍ່ເຕັມເວລາ (Part-time) ຂອງໂຄງການຄຸ້ມຄອງປ່າໄມ້ແບບຍືນນານ (SUFORD-SU) ລາຍລະອຽດ ແລະ ເງື່ອນໄຂ ມີໃນເອກະສານຕຶດຄັດ (ຮູບ) . ສຳລັບຜູ້ສົນໃຈ ກຳນົດສົ່ງໃບສະໝັກ ແລະ ຊີວະປະຫວັດ ກ່ອນວັນທີ 15 ທັນວາ 2017 ທີ່ ພະແນກຄຸ້ມຄອງປ່າຜະລຶດ ແລະ ການຂຸດຄົ້ນໄມ້, ກົມປ່າໄມ້

 


ຂໍເຊີນຜູ້ສົນໃຈເຂົ້າຮ່ວມປະມູນ ແລ່ນເອກະສານນຳເຂົ້າ ແລະ ຂຶ້ນທະບຽນລົດຈັກ ຂອງໂຄງການ ຄຸ້ມຄອງປ່າໄມ້ແບບຍືນນານ (SUFORD-SU) ຈຳນວນ 755 ຄັນ ໃນວັນທີ 24 ພະຈຶກ 2017 ເວລາ 10:00 ທີ່ຫ້ອງປະຊູມພະແນກຄຸ້ມຄອງປ່າຜະລິດ ແລະ ການຂຸດຄົ້ນໄມ້, ກົມປ່າໄມ້


ໃນລະຫວ່າງວັນທີ 24-27 ຕຸລາ 2017 ພະນັກງານວິຊາການຈາກສູນຂໍ້ມູນຂ່າວສານ ໄດ້ເຂົ້າຮ່ວມຝຶກອົບຮົມ ໃນການຍົກລະດັບ ຄວາມຮູ້ພື້ນ ຖານໃນການຂຽນຂ່າວ, ການນຳໃຊ້ກ້ອງ ແລະ ການຖ່າຍພາບ ທີ່ຖືກຕ້ອງຕາມຫຼັກເຕັກນິກວິຊາການ ຢູ່ທີ່ ສະໂມສອນ ກະຊວງກະສິກຳ ແລະ ປ່າໄມ້.
ຜ່ານການເຂົ້າຮ່ວມຝຶກອົບຮົມ ແມ່ນສາມາດເຂົ້າໃຈ ແລະ ຮູ້ເຖິງໂຄງຮ່າງ, ຫຼັກການ, ວິທີການໃນການຂຽນຂ່າວໃນເບຶ້ອງຕົ້ນ ນອກຈາກ ນັ້ນ ຍັງໄດ້ຝຶກປະຕິບັດຂຽນຕົວຈິງ ແລະ ເບິ່ງວີດີໂອກ່ຽວກັບການຖ່າຍທຳອອກໂທລະພາບ, ການສຳພາດຄອບຄົວຕົວຢ່າງໃນການລ້ຽງປາກະຊັງ.
ການເຂົ້າຮ່ວມຝຶກອົບຮົມໃນຄັ້ງນີ້ເຫັນວ່າຍັງບໍ່ທັນຄົບຕາມວາລະທີ່ເພີ່ນມີໃຫ້ ສາເຫດຍ້ອນໄລຍະເວລາສັ້ນ ຈຶ່ງບໍ່ສາມາດປະຕິບັດໄດ້ທຸກໆວາລະ

ຜູ້ກວດແກ້: ທ່ານ ນ. ທອງສຸກ ໄຊຍະພານທອງ
ຂຽນຂ່າວໂດຍ: ນ. ອຳພາພອນ ພົງພັນ


           ເພື່ອຈັດຕັ້ງຜັນຂະຫຍາຍ ມະຕິກອງປະຊຸມໃຫ່ຍຄັ້ງທີ I ຂອງຄະນະພັກຮາກຖານກົມປ່າໄມ້ ແລະ ມະຕິກອງ ປະຊຸມໃຫ່ຍຄັ້ງທີ I ຂອງບັນດາ ໜ່ວຍພັກ ທີ່ຂື້ນກັບຄະນະພັກຮາກຖານ ຂອງກົມປ່າໄມ້. ກົມປ່າໄມ້ ຈຶ່ງໄດ້ຈັດກອງ ປະຊຸມຂື້ນໃນຕອນແລງຂອງວັນທີ 2 ພະຈິກ 2017, ຢູ່ທີ່ ຫ້ອງປະຊຸມໃຫ່ຍ ກົມປ່າໄມ້ ໂດຍການເປັນປະທານຂອງ ທ່ານ ຊູຊາດ ໄຊຍະກຸມມານ ເລຂາຄະນະພັກຮາກຖານກົມປ່າໄມ້, ຜູ້ເຂົ້າຮ່ວມມີ ຄະນະພັກຮາກຖານ, ເລຂາ, ຮອງເລຂາ, ຄະນະໜ່ວຍພັກ, ຮາກຖານ 3 ອົງການຈັດຕັ້ງມະຫາຊົນ ແລະ ສະມາຊິກພັກທຸກສະຫາຍ ເຂົ້າຮ່ວມທັງໝົດລວມມີ 30 ກ່ວາສະຫາຍ.

Continue reading

ເຊີນຜູ້ສົນໃຈເຂົ້າຮ່ວມປະມູນສົມທຽບລາຄາຈັດຊື້ເຄື່ອງເຟີນີເຈີ ໃຫ້ຂະແໜງປ່າໄມ້ແຂວງໄຊຍະບູລີ ໃນວັນທີ 12/09/2017 ເວລາ 10:00 ທີ່ ກົມປ່າໄມ້


ເຊີນຜູ້ສົນໃຈເຂົ້າຮ່ວມປະມູນສົມທຽບລາຄາຈັດຊື້ເຄື່ອງພາກສະໜາມໃຫ້ກົມກວດກາປ່າໄມ້ ໃນວັນທີ 12/09/2017 ເວລາ 10:00 ທີ່ ກົມປ່າໄມ້

RSS
Follow by Email
Facebook
Twitter