ປະກາດຮັບສະໝັກເພື່ອນຮ່ວມງານ
ຜູ້ຊ່ວຍວຽກບໍລິຫານ–ການເງິນ: 18 ຕຳແໜ່ງ
ບ່ອນປະຈຳການ: ຫ້ອງການຄຸ້ມຄອງໂຄງການເມືອງເປົ້າໝາຍ
ຊື່ໂຄງການຄຸ້ມຄອງປ່າໄມ້ແບບພູມິທັດ ແລະ ສົ່ງເສີມຊີວິດການເປັນຢູ່ ພາກເໜືອຂອງ ສປປ ລາວ (ຄປຊ), ຊື່ງຈັດຕັ້ງປະຕິບັດຢູ່ 6 ແຂວງພາກເໜືອຂອງ ສປປ ລາວ (ບໍ່ແກ້ວ, ຫົວພັນ, ຫຼວງນ້ຳທາ, ຫຼວງພະບາງ, ອຸດົມໄຊ ແລະ ໄຊຍະບູລີ). ຫ່ອງການຄຸ້ມຄອງໂຄງການຂັ້ນສຸນກາງ ຕັ້ງຢູ່ທີ່ພະແນກ ຫຼຸດຜ່ອນທາດອາຍເຮືອນແກ້ວ ຈາກການທຳລາຍປ່າໄມ້, ກົມປ່າໄມ້, ກະຊສວກະສິກຳ ແລະ ປ່າໄມ້.
ໜ້າທີ່ຮັບຜິດຊອບຫລັກ
- ຊ່ວຍວຽກບໍລິຫານທົ່ວໄປ ຈອງທີ່ພັກ, ປີ້ລົດລົດໂເຍສານ, ປີ້ລົດໄຟ ແລະ ອື່ນໆ ໃນການກະກຽມການຈັດກອງປະຊຸມ (ທາງໄກ້/ທາງໄກ), ການຝຶກອົບຮົມ, ແຜນການເດີນທາງ ແລະ ອື່ນໆ;
- ຊ່ວຍປະສານງານ ແລະ ສື່ສານກັບພາກສ່ວນກ່ຽວຂ້ອງ (ຂັ້ນແຂວງ, ເມືອງ ແລະ ບ້ານ);
- ຊ່ວຍຕິດຕາມລາຍຈ່າຍຂອງເມືອງ ແລະ ບ້ານເປົ້າໝາຍ ເພື່ອຮັບປະກັນການເບີກຈ່າຍເງິນ ໄດ້ຮັບການຈັດຕັ້ງປະຕິບັດຕາມລະບຽບຄຸ້ມຄອງການເງິນຂອງໂຄງການ ແລະ ລະບຽບຂອງກະຊວງການເງິນ;
- ຊ່ວຍໃນການກວດກາຄວາມຖືກຕ້ອງ ຂໍ້ມູນ ບັດລົງບັນຊີ, ໃບຮັບເງິນ, ຍອດບັນຊີ, ຍອດຄົງເຫຼືອ, ຄາດຄະເນງົບປະມານ ແລະ ລາຍງານການເງິນອື່ນໆ;
- ຊ່ວຍກວດ ແລະ ຕິດຕາມການດຸນດ່ຽງ ເງິນເບີກຈ່າຍລ່ວງໜ້າ;
- ຊ່ວຍໃນການກະກຽມເອກະສານທີ່ຈໍາເປັນຕາມການຊີ້ນໍາຂອງຫນ່ວຍງານການເງິນ ກປມ ສໍາລັບການກວດສອບພາຍໃນ ແລະ ພາຍນອກ;
- ເກັບກຳຂໍ້ມູນການເງິນ ແລະ ສັງລວມແຜນວຽກ, ລາຍງານການເງິນຂັ້ນເມືອງ ແລະ ບ້ານ ເພື່ອລົງບັນຊີ;
- ຮັບຜິດຊອບປ້ອນຂໍ້ມູນການເງິນເຂົ້າລະບົບໂປຣແກຣມບັນຊີ ແລະ ອື່ນໆຕາມໜ້າທີ່ຮັບຜິດຊອບ;
- ສະໜັບສະໜູນວຽກງານດ້ານວິຊາການ ແລະ ຈັດຝຶກອົບຮົມໃຫ້ຄະນະພັດທະນາບ້ານ ແລະ ພະນັກງານຮັບຜິດຊອບການເງີນຂັ້ນເມືອງ;
- ຊ່ວຍກະກຽມ ແລະ ປະກອບເອກະສານກ່ຽວກັບການຄ່ຽນເງິນ ລວມທັງເອກະສານຕ່າງໆທີ່ກ່ຽວຂ້ອງ;
- ຊ່ວຍຕິດຕາມການຂຶ້ນທະບຽນ ແລະ ຕິດຕາມບັນຊີຊັບສິນຂອງໂຄງການຢູ່ຂັ້ນເມືອງ ແລະ ບ້ານ. ຮັບປະກັນບັນຊີຊັບສິນໄດ້ຮັບການປັບປຸງຢ່າງປົກກະຕິ;
- ຊ່ວຍໃນການກວດກາການຂື້ນແຜນງົບປະມານໃນການຈັດຕັ້ງປະຕິບັດກີດຈະກຳ ຂັ້ນເມືອງ ແລະ ບ້ານ;
- ຊ່ວຍໃນການກະກຽມບົດລາຍງານການເງີນປະຈຳເດືອນ ແລະ ໄຕມາດ ຂອງ ເມືອງ ແລະ ບ້ານ.
ເງື່ອນໄຂຂອງຜູ້ສະໝັກ:
- ຊັ້ນສູງ ຫລື ທຽບເທົ່າປະລິນຍາຕີບໍລິຫານທຸລະກິດ ສາຂາການເງິນ, ການບັນຊີ ຫຼື ສາຂາທີ່ອື່ນໆທີ່ກ່ຽວຂ້ອງ.
- ມີປະສົບການເຮັດວຽກກ່ຽວກັບ ບໍລີຫານ-ການເງິນ ກັບອົງການໃຫ້ທືນສາກົນ, ໂຄງການພັດທະນາຂອງລັດ ຫຼື ບໍລິສັດເອກະຊົນ ຈະໄດ້ຮັບການພິຈາລະນາພິເສດ
- ມີທັກສະໃນການນຳໃຊ້ຄອມພິວເຕິ້ເຊັ້ນ: ໂປຣແກຣມ Microsoft Office (Microsoft Word, Excel, ແລະ PowerPoint) ແລະ ເຄື່ອງມືການສື່ສານທາງທຸລະກິດ.
- ສາມາດຂຽນ ແລະ ສື່ສານພາສາອັງກິດໄດ້ຂັ້ນພື້ນຖານ.
ທ່ານສາມາດຢື່ນໜັງສືສະແດງຄວາມສົນໃຈ ອະທິບາຍເຖິງລະດັບການສິກສາ ແລະ ປະສົບການຂອງຕົນທີ່ກ່ຽວຂ້ອງ ເພື່ອສະແດງໃຫ້ເຫັນວ່າມີຄວາມວ່າເໝາະສົມກັບຕຳແໜ່ງນີ້ ພ້ອມຄັດຕິດຊີວະປະຫວັດ (CV), ສົ່ງໄປທາງອີເມລ: procurement.gfll@gmail.com,
ວັນປິດຮັບສະໝັກ 21/6/2024, ສະເພາະຜູ້ທີ່ຖືກຄັດເລືອກເທົ່ານັ້ນ ຈະໄດ້ຮັບການຕິດຕໍ່ເພື່ອສຳພາດ.
Download File: ToR_ support staff_Admin-Finance _vx